Axenda anual 2021 inspirada na frase de Rosalía de Castro: “Cantarte hei, Galicia, teus dulces cantares, que así mo pediron na beira do mare”. Rosalía é poesía, morriña, emoción. E a súa axenda leva unha páxina por día e moitas sorpresas no interior!

Tiveches algunha vez unha axenda con toda unha páxina para os teus soños? Esta tena. E vén con tapa dura. Con peche con goma. Con marcapáxinas que inclúe unha biografía da persoeira. Con ferramentas para tomar decisións, xestionar enfados, frases motivadoras de grandes mulleres, recomendacións de cine e libros… Con cada mes dedicado a un dos valores que definen a loita pola igualdade: educación, amor, traballo...

Con deseños exclusivos. Medidas: 17 x 21,5 cm. Deseñada e fabricada en Galicia con moito agarimo nos detalles. A túa compañeira dun ano de ilusión e de non conformarse, de rebelarse, de divertirse, de aprender!